Modul 3: Undervisning for djupnelæring

• Les artikkelen Dybdelæring – å gripe terskelbegrepene. Denne bygger på artikkelen Å utvikle elevers begrepsforståelse fra modul 2, der terskelomgrep og overgangsfase blir introdusert.
• Skriv fem likeverdige uttrykk til `(15-5x)/(3) - (45)/(15)`.
• Lag ei oppgåve som skal vise at svaret ikkje alltid blir større når vi multipliserer to tal. Løys oppgåva med visualisering.

Ta med notata dine til B - Samarbeid. Dei skal de bruke i den vidare diskusjonen.

Oppsummering av forarbeidet i grupper (20 minutt)

• Bruk nokre minutt kvar for dykk til å tenke gjennom det de gjorde i A – Forarbeid.
• Presenter løysingane på oppgåve i A - Forarbeid i grupper på tre-fire personer, og diskuter:
  • Korleis kan det å skrive eit uttrykk på fleire ulike måtar hjelpe elevane å forstå brøk betre?
  • På kva for ein måte kan visualisering hjelpe elevene til å forstå?

Planlegg eiga undervisning (40 minutt)

Arbeid i grupper på tre-fire personar.

• Vel eitt av terskelomgrepa som er felles for skulen (jamfør modul 2: Å utvikle matematiske omgrep).
• Planlegg ein undervisningssekvens der målet er at elevene skal utvikle forståing av dette omgrepet. Tenk spesielt på kva i omgrepet som kan gjere overgangsfasen vanskeleg for elevane. I undervisninga skal elevane få varierte erfaringar som utfordrar ufullstendig forståing og som klargjer innhaldet i omgrepet.

Hjelp til planlegging:

• Kva i omgrepet skal ha fokus i denne økta?
• Korleis vil de introdusere økta?
• Kva for representasjonar for omgrepet ønsker de at elevane skal bruke?
• Korleis vil de utfordre elevene si forståing?
• Kva for oppgåve(r) skal elevane arbeide med? Eventuelt i kva for rekkefølge?
• Kva for ulike løysingar forventar de at elevane kjem fram til, - riktige og gale?
• Korleis vil de bruke elevane sine svar, riktige og gale, til å sette fokus på ulike sider ved omgrepet?
• Korleis vil de samle trådane og ha ei oppsummering av økta med elevane?

Det de planlegg skal de gjennomføre med eigne elevar før D – Etterarbeid.

Gjennomfør undervisning de planla på den siste samlinga. Reflekter over følgande:

• Kjenner du att teikn på ufullstendig forståing av omgrepet de arbeider med?
• Vart elevane si forståing utfordra slik du ønska?
• Såg du eksempel på at eleva kom gjennom (delar av) vanskane i overgangsfasen? Forklar.

Erfaringane skal de diskutere i D – Etterarbeid.

Del erfaringar i grupper (20 minutt)

Jobb i gruppene frå B – Samarbeid.

• Fortel kvarandre korleis de oppdaga ufullstendig forståing av omgrepet.
• Kva i oppgåva/oppgåvene var godt egna til å utfordre eleven si forståing?
• Kva er typiske teikn på at elevane ikkje kom gjennom overgangsfasen?

Kvar gruppe noterer tre viktige moment frå diskusjonen.

Diskusjon og oppsummering i plenum (20 minutt)

• Del med kvarandre gode måtar å introdusere ei økt med vekt på å forstå eit matematisk omgrep.
• Kvifor er det viktig med fleire representasjonar for å hjelpe elevar med å utvikle forståing?
• Korleis kan ein utnytte feilsvar som utgangspunkt for djupare forståing?
• Kva er viktig å få med i oppsummering og avslutning?

Korleis kan de ta med desse erfaringane vidare i undervisninga?

Vegen vidare (5 minutt)

• Neste modul handlar om god øving og repetisjon.
• Gå gjennom A – Forarbeid.